صفر

امتلت قلوبنا مع هالدفتر كل ماتقتلنا ايام منقلب هالألحان لمشاعرنا مدفن
الحكي ماعد يخلص عورق بيتلخص سهر سنين الارق فينا يتعب تركيزنا نحط أهدافنا عهالمقنص
نطلع على الساكت نخلي الطابق مستور
عشنا بشريعة غاب فالقتل دستور
برقابنا انياب نكسرها من فك الوحوش
وقد ماكانت قلوبنا حجر مانخاف المجهول
انت نرد ب ايد دنيا مابتعرف وين فيك ترمي ب ايدك سهام
بس بدك لتصوب تعرف كيف ترمي
معتقل اخدت الوجهين لمعنى معنى سجان اعدائي والمظلوم بظلام معمي
لسا عنا طاقة نوقف لحتى نقاوم
لو كان متوازى وجع مع خطواتنا متساوي عمبدأ تضل تقاتل حتى بضعفك ماتساوم
شفنا بلاوي ب ايام متل هالمسا المأساوي
قوة نضحك مع انو الاسا فينا
على هال بيتات عم نتشارك حكاوينا لتتأكد انك عم تشاركنا مأسينا
بتلاحظ كيف انها ممزوجة ب اسامينا
منوجع ف منبزق دم ب Rhymes سل
مرضى بدون استثناء بدوامي فيها الكل
والصدمات تترك فينا كدمات غل
طول ماهالوضع هيك فيك عايش
كيف تمل
انا الصوت انا الحياة الموت انا بكذب عحالي بس بالراب حقيقة pure انا
بحكي بلساننا لهيك القلوب بزور انا
الحق بالكلمة صفيت مع لي ضد الزور انا
بزرع بذور انا
وغرفة فيها ضو اسود خافت قبر
وراق بكل مكان مع قلام حبر
Rutin هادئ و يحاوطو ذكريات صبر
كلشي قدام عيونك رماد محترق عمر
الصفر كم مرة منو بديت
كم مرة تشوف خيالك جايي من بعيد
بترجم الوجع ع شكل قصيدة
انا ومصيري
محبوس بتواريخ بتسكن بضلعي المصيبة
رصاصاتك بقلبي صيبي
بيطلع حظ اوفر
منشتري حتى الحزن لندور عالأوفر
مدري مات او فر أو اغترب
واقع قاتل كالورم
راهقنا بنكهة الهرم
عقلي معقد أكتر من تجويف الهرم
لما أولد بالجحيم لاتقلي كون محترم
انا وهالقلم بيناتنا قصص احاديث
بروي الدفتر لما يعطش وجع حديث
لحتى تقيس هالاوجاع عد تجاعيد مخي
ما اخترنا القابنا لننشهر اخترناها لحتى نخفي
واذا الجسد يوم انطفى
بترك روحي ب tɾack
تصنع من جحيمك جنة حتى تعيش ذكراك
خايف ترجع للماضي الي سرق منك معنى الضحكة
خايف تقتلك همومك الحبستا لانك رافض تشكي
خايف تحلم خايف تصحى خايف تواجه الواقع
خايف يتاكتروا عليك وماتقدر عن نفسك تدافع

بمقابر افكارك تنتفض تنرفض تنقرض هويتكوتضيع عنوانك
بمقابر افكارك تنتفض تنرفض تنقرض هويتكوتضيع عنوانك

خايف من وحدة تتفاجئ وتخسر حبابك ويجن جن جنانك
خايف من وحدة تتفاجئ وتخسر حبابك ويجن جن جنانك

سلمني طبلة دانك لازمتني بغنية واحكيلي خيالك شالك؟ كلو ناطر على لحظة يخلص مالك ويزتك لحالك مالك
حالك متدهور بالك مشتت مخدر ورافض بانك تشفى
مافي طبيب يلاقيلك دوا وتنتهي احلامك بالمشفى
تكتشفا للوجوه الشنيعة الي فكرتا بيوم ملاك وعاجز
تنعزل بالتربة تنطعن بالحربة والموت يكنلك حاجز
بائس على خطى هالضعف بضعف الامك ينطعن الشغف
مابقالك غير جسد انقتل انجلد وقلب انحذف
خرف ضرب افكارك تبلش تهذي بهالدوامة تغرق
اذا من اليوم ماكنت قوي بعمرك مابتقوى بكرى

خايف ترجع للماضي الي سرق منك معنى الضحكة
خايف تقتلك همومك الحبستا لانك رافض تشكي
خايف تحلم خايف تصحى خايف تواجه الواقع
خايف يتاكتروا عليك وماتقدر عن نفسك تدافع

تحتقرا لذكرى هالطفل المتعقد بقلب مشوه وحش كاسر
تكاسر الوحدة بوحدة متحدة لتطلع

تكاسر الوحدة بوحدة متحدة لتطلع منا انتا الخاسر
تحترق الدفاتر الي دونت هالقصة الكنت بتخصا يتلاشا نصا
وبنصا دموعك وتقلك اوعك تمسا وهالغصة تعصا ولسا
وتعصا بين اليقين والوهن تنرهن بسجن مالو بوب
والتلج اللي نطرتو من الاخر تكتشف انو مابدو يدوب
وينوب عنك شيطانك ومنذر يتسجل بكتب الامس
والبرد الي بنظراتك انسجن يتحرر ويطفي خيوط، الشمس
والعجز الي عجز يحلل طلاسم سوادي الي خلق هالابيات
واخيراً قبضت روحو بهالسطر ودفعتو سلف الموت مات
لبو عقل ضعيف الجسد، فاني بس خوة عالموت رح تعيش هالاغاني
تتخلد تنتصر وينشهرو كلماتي وحنجرتي صوتي ولساني