தொண்டு செய்து பழுத்த பழம்
தூய தாடி மார்பில் விழும்
மண்டைச் சுரப்பை உலகு தொழும்
மனக் குகையில் சிறுத்தை எழும்
அவர்தாம் பெரியார்
உனக்காய் நீ வாழ, உனையே நீயாள, தனையே தந்தார் ஐயா
நரைத்து நின்றாலும் இளைத்து நின்றாலும் களத்தில் நின்றார் ஐயா
தோளோடு தோளாக நின்றார் ஐயா - சுய
மரியாதை கொண்டாளச் செய்தார் ஐயா
நீ சுட்டெறிக்கும் சூரியனாய் புத்துயிர்க்க வேணும்
உனைக் கட்ட எண்ணும் சக்திகட்கு சவுக்கெடுக்க வேணும்
நீ பெரியாரின் பிள்ளை, என்றும் உடைஞ்சுபோவதில்லை
சாதகத்துத் தொல்லை அது பகுத்தறிவுக் கில்லை
சாதிமத பேதங்களை அறிவுகொண்டு வெட்டு - ஒரு
மனிதனாக வாழ்வதுதான் நன்று முரசு கொட்டு
யார் யார் பெரியார் ஃ ரா ரா இ.வே.ரா
பொம்பிளைக்கு மரியாதை நீ கொடுக்க மறவாத
பிள்ளை பெறும் யந்திரமா பொம்பிளயப் பாக்காத
தெம்பு பலம் பெண்ணை வெல்வேன் எண்ணுவதே பெரு மடமை
வலிமை என்று பார்க்க போனா எருமைக்கும் நீ அடிமை
ஆண்மை வெறி அடக்கும் வெறி அத்தனையும் விட்டு எறி
உன்னையறி பெண்ணையறி இதையும் நீ பகுத்து அறி
சாதகத்தை நம்பி மாழும் மடமை வேண்டாம் அம்மா
இங்கு சாதியிலே இழிகுலமாம் எழுதிவைச்சான் சும்மா
கற்புநெறி, சமயலறி பித்தலாட்டம் அம்மா - என்றும்
ஆணும் பெண்ணும் நிகரே என்றுன் மனம் உணரணுமம்மா
சாதியத்தை சாதகத்தை அழித்தொழிக்கவேணும் - உன்
பிள்ளைக்கு நீ பகுத்தறிவுப் பால் கொடுக்கவேணும்
யார் யார் பெரியார் ஃ ரா ரா இ.வே.ரா
நரைத்து இளைத்து நின்றாலும் களத்தில் நின்றவர் பெரியார்
உனை அடக்க முடக்க நினைத்தவரை எதிர்த்து நின்றது வேறு யாரு
உனக்குள் இருக்கும் பெரியாரை உசுப்பிநீ விட வேணும் - எமை
வலுவாய் அரிக்கும் மூடப்பழக்கத்தை உடைந்தெறிந்திட வேணும்
எதிர்த்தெழுந்திடவேணும் நீ அறுத்தெறிந்திட வேணும் - எமை
மழுக்க நினைக்கும் அனைத்தினையும்நீ தகர்த்தெறிந்திடவேணும்
தொண்டு செய்து பழுத்த பழம்
தூய தாடி மார்பில் விழும்
மண்டைச் சுரப்பை உலகு தொழும்
மனக் குகையில சிறுத்தை எழும்