C’ ’e libbre sott’o braccio
e a camicetta a fiore blu,
vuò fà a signurinella
’nnanze a scola pure tu;
te piglie ’a sigaretta
quann’e accatte pe papà,
te miette già o russetto
comme vire fa a mammà,
Lazzare’…
Ma, lazzarella comme sì
a me me piace sempe ’e cchiù,
e vengo apposta pe t’o dì
vicino a scola ɾ’o Gesù.
Tu invece m’arrispunne «eh, già,
i’ deve ɾetta propi’a tte…
pe me l’amore pò aspettà,
che n’aggia fà?, nun fa pe me.»
Ah, lazzarella, ventata ’e primmavera,
quanno passe tutt’e matine
già te spiecchie dint’e vetɾine,
solo nu cumplimento [C7]te fa avvampà.
Ma, lazzarella comme sì,
tu nun me pienze proprio a me,
e ɾire pe m’o fà capì
ca perdo o tiempo appriesso a te.
Mò vene uno studente
’nnanze a scola ɾ’o Gesù.
Te va sempe cchiù stɾetta
’a camicetta a fiore blu.
Te piglie quattɾo schiaffe
tutt’e volte ca papà
te tɾova nu biglietto
ca te scrive chillo là.
Lazzare’…
E, lazzarella comme sì,
ce sì caduta pure tu:
l’amore nun te fa mangià,
te fa suffrì, te fa pensà.
’Na sera tu le ɾice ‟no”,
’na sera tu le ɾice ‟ma”,
ma si nu vaso te vò dà
fai segno ’e sì senza parlà.
Ah, lazzarella, o tiempo comme vola;
mò te tɾuovo tutt’e matine
chieno ’e lacrime stu cuscino,
manco ’na cumpagnella te pò aiutà.
E chiano chiano mò, accussì,
te sì cagnata pure tu,
e te prepari a dì stu sì,
ma dint’a chiesa d’o Gesù.
E chiano chiano mò, accussì,
te sì cagnata pure tu,
e te prepari a dì stu sì,
ma dint’a chiesa d’o Gesù.