Chamada Pra Tropa

Kil dia parmaña
Kontra e tchoman pa tropa
Ami ku ña mala na mon
N kamiña pa puntu-kais

N tchiga na puntu-kais
N odja manga di djintis
N randja ña kau pa n sinta
Pa n pudi kuda ña vida

Pasadu un bokadiñu
Furiel ku karta na mon
Kumsa na tchoma nomi
Pa ɾia pa barku garandi

Otcha ora tchiga
“Alfange” toma ɾumu
Rumu ku sedu es
Rumu p aba Bolama

N ɾabida pa puntu-kais
N odja manga di djintis
Ma n ɾapara un son
Ki na sananu
Ku iaghu na udju
Eh sananu ku iagu na udju