बघुन बघुन वाट तुझी

ओ ओ ओ आ आ आ
बघुन बघुन वाट तुझी नयन थांबले
बघुन बघुन वाट तुझी नयन थांबले
परत निघुन जावया न वळती पाऊले
परत निघुन जावया न वळती पाऊले

भिरभिरता तळी वारा
लुकलुकत्या वर तारा
भिरभिरता तळी वारा
लुकलुकत्या वर तारा
क्षण क्षण मी गणत इथे स्तब्ध राहिले
बघुन बघुन वाट तुझी नयन थांबले

भास तरी किती वेळा आ आ आ
भास तरी किती वेळा
सोडी ना मन चाळा
पदरव मज वाटे जरी पान वाजले
बघुन बघुन वाट तुझी नयन थांबले

मनी येते रे नाथा
येशिल तू मी जाता मी जाता
मनी येते रे नाथा
येशिल तू मी जाता मी जाता
सोसशील दु:ख कसे मज न सोसले
बघुन बघुन वाट तुझी नयन थांबले